Биыл 2020 жылдан бері жүргізіліп келе жатқан Таусамалы қорымына археологиялық қазба жұмыстары өз жалғасын тапты. Қазба жұмыстарын қадағалауға қыркүйек айының 5-6 күндері аралығында орталықтың директоры Ғ.Оспанов пен орталықтың бөлім меңгерушісі Ж. Адамжанов барып қайтты. Ағымдағы жылы солтүстікте орналасқан төртінші қорғанға зерттеу жұмыстары жүрді. Зерттеу жұмыстары жүргізілген қорғанның алып жатқан аумағы үлкен болмағанымен, қазба жұмыстары барысында анықталғандай жерлеу орнының көлемі үлкен болып шықты. Қазба жұмыстары барысында қорғаннан ежелгі екі адамның сүйегі мен жылқының сүйегі табылды. Сонымен қатар, жерленген адамдардың жанынан екі керамикалық ыдыс пен қоладан жасалған ыдыста пісірілген ет, алатын зат табылды. Қазба жұмыстары аяқталған сон аталған қорғанның қасына үш тілде жазылған ақпараттық тақта қойылды.
