Халықаралық ескерткіштер мен тарихи орындар күні 1984 жылдан бастап жыл сайын 18 сәуір күні аталып өтіледі. Осыған орай, сондай-ақ, Т.Жүргеновтың 125 жылдығы қарсаңында, бүгін Жетісу облыстық тарихи-мәдени мұраны қорғау жөніндегі орталығының ұйымдастыруымен, Т.Жүргенов атындағы Қазақ Ұлттық өнер Академия колледжі оқытушыларының қатысуымен «Қазақстан мүсіні және оның қалыптасуы» атты семинар өтті. Шараның басты мақсаты – тарихи ескерткіштерді сақтау және мәдени мұраны қорғау мәселелеріне қоғамның назарын аудару, сондай-ақ, мүсіндер және оның қалыптасуы бойынша түсіндірме жұмыстарын жүргізу, Заң актілерімен таныстыру.
Шараға облыстық мәдениет, архивтер және құжаттама басқармасының қызметкерлері мен облысқа қарасты қала, аудандардың мәдениет ішкі саясат, мәдениет, тілдерді дамыту және спорт бөлімінің қызметкерлері қатысты.
